काठमाडौँ, ३ असोज । उच्च क्षमताका एलइडी हेडलाइटले विपरीत दिशाका चालकको दृष्टि खोसेर रातको दुर्घटना जोखिम बढाएको भन्दै चिन्ता बढेको छ । यातायात व्यवस्था विभागले जुन १० मै नियमविपरीत हेडलाइट नराख्न चेतावनी दिइसकेको छ ।

ह्यालोजनका लागि बनेको रिफ्लेक्टरमा शक्तिशाली एलइडी राख्दा किरण नियन्त्रण नहुई विपरीत चालकको आँखामा ठोक्किने र अस्थायी अन्धकार हुने विज्ञहरू बताउँछन् । युके सर्वेक्षणमा गुनासो गर्ने १६% चालकले राति गाडी चलाउन छाडेका छन् भने भारतले मापदण्डविपरीत बत्तीमा जरिवाना सुरु गरेको छ । लो बीम प्रयोग, सही एलाइनमेन्ट र मानक बल्ब नै समाधान रहेको सुझाव छ ।